ಶಿವಮೊಗ್ಗ:- ಎಸ್ ಐ ಆರ್ ಫಾರಂ ತುಂಬುವ ಕುರಿತು ಜನರಲ್ಲಿ ಅಡಗಿರುವ ಅನಗತ್ಯ ಸಮಸ್ಯೆಯ ಕುರಿತು ಸುಲಭವಾಗಿ ಫಾರಂ ತುಂಬುವ ರೀತಿಯನ್ನು ಫಾರಂ ಹಿಡಿದು ಮತದಾರ ನಾಗರಿಕರಿಗೆ ಹಾಗೂ ಬಿ ಎಲ್ ಓ, ಬಿ ಎಲ್ ಎ ಗಳಿಗೆ ಮಹಾನಗರ ಪಾಲಿಕೆ ಆಯುಕ್ತ ಮಾಯಣ್ಣ ಗೌಡ ಅವರು ಪ್ರಾತ್ಯಕ್ಷಿಕೆ ನೀಡಿದರು.
ಅವರು ಇಂದು ಶಿವಮೊಗ್ಗ ಮಹಾನಗರ ಪಾಲಿಕೆ ಶಿವಮೊಗ್ಗ ಮತದಾರರ ಪಟ್ಟಿಯ ಸಮಗ್ರ ಪರಿಷ್ಕರಣೆ -113- ಶಿವಮೊಗ್ಗ ವಿಧಾನಸಭಾ ಕ್ಷೇತ್ರದ ವಾರ್ಡ್ ನಂಬರ್ 7ರ ಮಾಹಿತಿ ನೀಡುವ ಸೌಲಭ್ಯ ಕೇಂದ್ರ ಆದ ನಾಗಲಿಂಗೇಶ್ವರ ಸಭಾ ಭವನದಲ್ಲಿ ಸಾಮಾನ್ಯ ಬೇಟಿ ನೀಡಿದಾಗ ಆಯುಕ್ತರು ಮಾಹಿತಿ ನೀಡಿದ್ದಾರೆ. ಇದೇ ಸಮಯದಲ್ಲಿ ವಾರ್ಡಿನ ಬಿ ಎಲ್ ಓ ಮತ್ತು ಬಿ ಎಲ್ ಎ ಅವರನ್ನು ಕರೆಸಿ ಒಂದು ಸಾವಿರಕ್ಕೂ ಹೆಚ್ಚು ಮತದಾರರ ಯಾದಿವುಳ್ಳವರಿಗೆ ಸಹಾಯಕರನ್ನು ಹೆಸರಿಸಿದರಲ್ಲದೆ ಕಾರ್ಯ ಪೂರ್ತಿ ನಿರ್ವಹಿಸಲು ಆಗದೇ ಇದ್ದವರಿಗೆ ಕಾನೂನು ಶಿಕ್ಷಾ ಮಾಹಿತಿ ಏನು ಎಂಬುದನ್ನು ವಿವರಿಸಿದರು.
ಫಾರಂ ನ ಮೇಲಿನ ಎಡ ಮತ್ತು ಬಲ ಕಾಲಂ ಮಾಹಿತಿ ಗೊತ್ತಾಗದಿದ್ದಲ್ಲಿ ಫಾರಂ ಕೆಳಗಿನ ಕಾಲಂ ತುಂಬಿ ಸಹಿ ಮಾಡಿ ಕೊಟ್ಟರೆ ಸಾಕು. ಫಾರಂ ಕೊಟ್ಟ ನಂತರ ಬೇರೆ ಮಾಹಿತಿ ಬೇಕಾದಲ್ಲಿ ಆಗಸ್ಟ್ 5 ರ ನಂತರ ಮತದಾರರನ್ನು ಕೇಳಲಾಗುತ್ತದೆ. ಸೆಪ್ಟೆಂಬರ್ ತಿಂಗಳಲ್ಲಿ ತಿದ್ದುಪಡಿಗೆ ಅವಕಾಶ ನೀಡಲಾಗಿದೆ. ನವೆಂಬರ್ ತಿಂಗಳಲ್ಲಿ ಹೊಸ ಕಾರ್ಡ್ ವಿತರಣೆಯಾಗುತ್ತದೆ ಎಂದ ಆಯುಕ್ತರು ಇತ್ತೀಚೆಗೆ 18 ವರ್ಷ ಮೇಲ್ಪಟ್ಟ ಹೊಸದಾಗಿ ಮತದಾನ ಮಾಡುವವರಿಗೆ ಫಾರಂ 6 ನೀಡಲಾಗುತ್ತದೆ ಎಂದರು.
ಬಿ ಎಲ್ ಓ ಗಳು ಒಂದು ಕಡೆ ಕೂಡದೆ ನಾಗರಿಕರ ಬಳಿ ಹೋಗಿ ಮಾಹಿತಿ ಕಲೆ ಹಾಕಿ ಜುಲೈ 29 ರೊಳಗೆ ಕಾರ್ಯ ಮುಗಿಸಬೇಕು ಇದಕ್ಕೆ ಎಲ್ಲಾ ಸೌಕರ್ಯ ನೀಡಿದೆ ಅಂತಿಮದಲ್ಲಿ ಕೆಲಸ ಮಾಡಲು ಹೋಗ ಬೇಡಿ ಸರ್ವರ್ ಬಿಝಿ ಆಗಿರುತ್ತದೆ ಎಂದು ಎಚ್ಚರಿಸಿದರು.
